قصة سيدنا نوح الجزء الثالث

قصة سيدنا نوح عليه السلام الجزء الثالث

آخر حاجة قلناها المرة إللي فاتت إن نوح عليه السلام ركب السفينة هو والذين آمنوا معاه ومعاهم من كل نوع من الحيوانات ذكر وأنثى، وربنا أغرق الأرض بالماء وأهْلَك قوم نوح عليه السلام،ربنا وَعد نوح عليه السلام إنه ينجّيه هو وأهله،
والمقصود بالأهل هنا هو كل من آمن بالله سواء كانوا أقاربه ولا لأ،
زوجته كانت كافرة وكانت بتقول عنه مجنون،
وطبعا باعتبار الزوجة هي أكتر واحدة عارفة خبايا زوجها فكان لها أثر على دعوة نوح عليه السلام،
وهنا ربنا سماها خائنة في القرآن لأن الأصل إن الزوجة تعين زوجها في الشدائد وتعينه على الحق،
وطبعا مش المقصود الخيانة الزوجية إطلاقا إللي هي الزنا .
لأن ربنا حافظ لأعراض الأنبياء.
وهي ماتت على الكفر في الآخر مع الكفار،

ونوح عليه السلام كان لديه أربع أبناء ثلاثة آمنوا و الرابع لم يؤمن برسالة نوح عليه السلام ورفض ان يركب في السفينة، وهنا لما الموج فصل بين الأب وابنه .. نوح عليه السلام بمشاعر الأب بدأ يسأل ربنا ، 

يارب مش إنت قلتلي إنك هتنجيلي أهلي .. طيب ما ابني من أهلي وإنت وعدك الحق لا تخلف وعدا وعدته .

هنا ربنا قال لنوح عليه السلام وقالنا كلنا القاعدة دي: إنه ليس من أهلك
أي حد مش على دينك مينفعش يكون بينك وبينه أي صلة وُد وحب حتى لو كان ابنك من لحمك ودمك،
يعني العبرة بقرابة الدين مش قرابة النسب،

وهنا تيجي قاعدة الولاء والبراء، وهي باختصار :الولاء يعني الإنسان يتولى الله ورسوله والمؤمنين، 

والبراء يعني يتبرأ من الكفر وأهله، 

يعني مينفعش يكون بيني وبين اي شخص غير مسلم علاقات حب وتبادل زيارات وغيرها ،
في حين إن علاقتي بالمسلمين مفيش فيها الكلام ده ،
ممكن شخص يقول بصراحة اخلاقهم أحسن من المسلمين كتير . 
إزاي أخلاقها أحسن من المسلمين وهم أساءوا الأدب مع الله عز وجل،

وبيقولوا إن عنده ولد وهو معندهوش ولد ؟ !!
فاحنا بنحب ونوالي المسلمين لأنهم مسلمين ونكره ونتبرأ من غير المسلمين لأنهم غير مسلمين . 

ومش معنى إنك تكره حد إنك تؤذيه أو تظلمه، ده مش سبب أبدا لكده .. ربنا قال :
" يا أيها الذين آمنوا لا يجرمنكم شنئان قوم على ألا تعدلوا اعدلوا هو أقرب للتقوى "

نحن مأمورين بالإحسان لغير المسلمين لكن مش على حساب دينا ولا عقيدتنا أبدا
فربنا قال لنوح إن يتبرأ من ابنه لأنه مش على دينه فبالتالي هو مش من أهلك .. 

وأنا وعدتك إني هنجيلك أهل المؤمنين لكن الكفار لأ، فلا تدعوني بشيء محرم وهو إني أُنْجي كافر،
وأنا أرفعك إنك تكون من الجاهلين إللي مش عارفين الكلام ده،
ورسول الله صلى الله عليه وسلم بيقول لنا :
" يُستجاب لأحدكم ما لم يدعُ بإثم أو قطيعة رحم ... إلخ "
يعني مينفعش ندعي بحاجة محرمة،

فهنا نوح عليه السلام استعاذ بالله إنه يقع في خطأ يشترك فيه مع الناس الجهلة،

وخصوصا إنه نبي عنده من العلم إللي مش عند غيره، ودعا ربنا إنه يغفرله.

في هنا إشارة وعبرة من ربنا لكل أب وأم ،

وهي إن الأب والأم مش مطلوب منهم غير إنهم يرشدوا ويعلموا أبناؤهم صح، 

يعني ياخدوا بالأسباب في تربية أبناؤهم ،
طيب لو علموهم وربوهم تربية صحيحة فعلا،
《 مش التربية إللي هم شايفينها صحيحة في فرق طبعا 》
وكانت النتيجة إن واحد من الأبناء طلع فاسق مثلا،
فهيكون كده عمل إللي عليه قصاد ربنا 
هو مش مطلوب منهم النتيجة هم بس عليهم التربية والهداية والتوفيق بتاعة ربنا،

نوح عليه السلام ابنه كفر .. هل كان العيب في سيدنا نوح انه ابنه كفر ؟
لأ .. لأن ثلاثة من أبناؤه آمنوا، لكن أي تقصير في التربية يؤدي لإنحراف الأبناء ،

فالأب والأم هيُسألوا عشان كده لازم كل أب وكل أم يتعلموا التربية الصحيحة لأبناؤهم .

كانت السفينة بتتحرك وسط أمواج عالية جدا حتى إن ربنا شبه الأمواج دي بالجبال من كتر ما هي عالية وعظيمة،
واللي شاف منكم فيديوهات عن سفن بتمشي في البحر وسط موج عالي هيحس وهيفهم المعنى ده ،

بعد ما ربنا أهلك قوم نوح عليه السلام .. أمر السماء إنها توقف المطر وأمر الأرض إنها تبلع الماء، 

ورسيت السفينة على جبل الجودي، وربنا تركها لنا آية.
"وقيل يا أرض ابلعي ماءكِ وياسماء أقلعي وغيض الماء وقُضِي الأمر واستوت على الجُودِي"

وفي هنا إعجاز علمي قاله دكتور زغلول النجار، 

قال إن في مستكشفين كفار ادعوا إن الطوفان إللي حصل كان بسبب زلازال حصل في قاع البحر ،

فأدى إلى فيضان من ماء البحر .. تسونامي يعني ... فأغرق الأرض،
وده عكس إلي جه في القرآن ،
لأن ماء المطر عذب وعيون الماء إللي تفجرت من الأرض عذبة، 

فلما اكتشفوا سفينة نوح في أعلى قمة جبل الجودي متغطية بكيمة كبيرة من رسوبيات الماء العذب 

اثبت صحة كلام القرآن وكذب كلام المستكشفين، فالحمد لله على نعمة الإسلام .

بعد ما الأرض نشفت وبقت ينفع يستقروا فيها ربنا أمر نوح عليه السلام إنه ينزل من السفينة، 

عشان يبدأ فيها حياة جديدة ... وكثير من العلماء بيسموا سيدنا نوح عليه السلام آدم الثاني،
لأن كل البشرية بعد الطوفان هي من ذرية نوح عليه السلام،
"وجلْعنا ذُريّته هُم البَاقِين"
فربنا لم يجعل ذرية ونسل للمؤمنين اللي كانوا مع نوح عليه السلام.
فالبشرية كلها من نسل سام وحام ويافث،
قال رسول الله صلى الله عليه وسلم:
"سام أبو العرب، وحام أبو الحبش، ويافث أبو الروم"

نزل نوح عليه السلام والمؤمنون من السفينة ونزلت الحيوانات إللي كانت معاه،
وعاش نوح على الأرض مع أبناؤه ومع المؤمنين في رخاء ونعيم، 

فكلهم طائعين عابدين لله مفيش أي كافر بينهم، ولك ان تتخيل كيف كانوا 
" بلدةٌ طيبةٌ وربٌّ غفُور "

وفاة سيدنا نوح عليه السلام
بعد العمر الطويل ده كله ،ويقال إن نوح عليه السلام هو أطول الأنبياء عمرا،
جاءت النهاية ... الموت .. مهما عاش الإنسان لازم هيجيله الموت
حتى الملائكة هتموت في يوم من الأيام،
"كلُّ مَن عليها فان"

لما جت ساعة وفاة نوح عليه السلام وصى ابنه وصية قال :
" أنا بأمرك بحاجتين وبنهاك عن حاجتين "  

أولا بأمرك ب لا إله إلا الله ... 

فلو السماوات السبع والأراضين السبع اتحطوا في كفة ولا إله إلا الله في كفة هترجح كفة لا إله إلا الله
قولوا لا إله إلا الله .. هي أفضل الذكر ومن عاش على شيء مات عليه . 

ثانيا بأمرك بسبحان الله وبحمده، لأن فيها صلات كل شيء وبها يُرزق الخلق 
عايزين الرزق قولوا سبحان الله وبحمده 

بنهاك أولا عن الشرك وثانيا عن الكبر 
الشرك معروف وهو إننا نشرك مع ربنا احد في العبادة،

طيب الكبر واخدين بالكم من الوصية بيقوله الكبر  
إيه المقصود من الكبر هنا ؟ 

هل الكبر إن الإنسان بيلبس لبس نضيف أو بيركب عربية مثلا أو يكون له مكانة عالية؟ 

لا مش هو ده الكبر المقصود، 

المقصود هنا بالكبر كما قال رسول الله صلى الله عليه وسلم:
" الكبر سفه الحق - أو بَطَرُ- وغمط الناس "

بطر الحق يعني رد الحق ... لما الإنسان مثلا يجيله الحق بالدليل من القرآن والسنة ويقول لالا مش مقتنع ...
ويقعد يتفلسف ويجادل بدون أي دليل ودا معناه عنده كبر  

طبعا اللي بيسأل للعلم ده حاجة تانية
لكن لو جالك الحق اوعي ترده قولو سمعنا واطعنا حتى لو عقلك مش مستوعب،
ممكن تستفهم بعدين، أو لو مش قادر تنفذه ادعي ربنا إنه يساعدك لكن أبدا ابدا اوعي ترده

غمط الناس معناه احتقارهم، يعني الواحد يحتقر إللي أقل منه في العبادة ... 

يحتقر إللي أقل منه في التعليم ... يحتقر إللي أقل منه في النسب ... كل ده يدخل في الكبر،

فلما تشوف حد أكبر منك قول : سبقني بالعبادة،
ولما تشوف حد أصغر منك هتقول : سبقته في المعصية،
كل ما نفسك تحدثك بانك أحسن من حد فكرها بالكلمتين دول،

هتلاقي نفسك بتنكسر لله، واعرف دايما إنك متعرفش إنت منزلتك إيه عند ربنا، 

والعبرة يوم القيامة بالقلوب فأي حد ممكن نحتقره قد يكون هو أفضل عند ربنا مننا،

وخليك فاكر:
" لا يدخل الجنة من كان في قلبه مثقال ذرة من كبر"

هل استمرت الأرض على التوحيد بعد موت نوح عليه السلام ؟
ولا الناس عبدوا الأصنام مرة تانية ؟

روابط السلسلة :

قصص_الانبياء_الحلقة_1

قصص_الانبياء_الحلقة_2

قصص_الانبياء_الحلقة_3

قصص_الانبياء_الحلقة_4

قصص_الانبياء_الحلقة_5

قصص_الانبياء_الحلقة_6

قصة شيث عليه السلام قصص_الانبياء_الحلقة_7

قصة ادريس عليه السلام قصص الانبياء الحلقة 8

قصة نوح عليه السلام الجزء الاول قصص الانبياء الحلقة 9

قصة سيدنا نوح عليه السلام  الجزء الثاني

قصة سيدنا نوح عليه السلام  الجزء الثالث

قصص_الانبياء_بداية_فكرة

قصة سيدنا نوح

قصص الانبياء من مدونة بداية فكرة

بداية فكرة

مدونة بداية فكرة