قصة سيدنا ابراهيم واسماعيل
بعد ما إبراهيم عليه السلام بنى الكعبة مع إسماعيل عليه السلام رجع إلى فلسطين لزوجته سارة ، وكانت قد ولدت إسحاق عليه السلام، وفي يوم من الأيام طلب إبراهيم عليه السلام من ربنا طلب، قاله يارب أَرِني كيف تحيي الموتى، فربنا سأله الم تؤمن ؟
فإبراهيم عليه السلام قال أيوة ... بس عايز قلبي يبقى مطمن.
"وَإِذْ قَالَ إِبْرَاهِيمُ رَبِّ أَرِنِي كَيْفَ تُحْيِي الْمَوْتَىٰ ۖ
قَالَ أَوَلَمْ تُؤْمِن ۖ قَالَ بَلَىٰ وَلَٰكِن لِّيَطْمَئِنَّ
قَلْبِي"
يعني إيه الكلام ده
في حاجة اسمها علم اليقين وحاجة تانية اسمها عين
اليقين
علم اليقين يعني أكون عارف ومتأكد مثلا إن الجنة والنار حق،
وإن ربنا هو إللي خلقنا وخلق الكون،
زي عمر بن الخطاب رضي الله عنه
لما قال:
لو شفت الجنة والنار حالا وأنا في الدنيا إيماني مش هيزيد حاجة، لأنه متأكد
من وجودها
عين اليقين بقى إن الإنسان يشوف بعينه
يعني إحنا مؤمنين بالصراط وبالميزان وبعلامات يوم القيامة،
لما نشوفها يبقى إحنا انتقلنا من مرحلة علم اليقين لعين اليقين
وهو ده اللي إبراهيم عليه السلام طلبه من ربنا... هو عنده علم يقين إن ربنا هو اللي بيميت ويُحيِي ...
لكن عايز ينتقل لمرحلة أعظم وهي عين اليقين إنه يشوف بعنيه...
فاهمين
عارفين زي إيه مثلا
عارفين زي إيه مثلا
لما تكون عايز تعمل حاجة معينة وتطلب من ربنا إنه يديك علامة كده إن الحاجة
دي كويسة،
يعني لو بتقدم على وظيفة وإنت عايزها...أو عايز تدخل كلية معينة وإنت عارفة
إنها مناسبة ليك بس بتكون عايز حاجة كده تطمنك،
ده تقريبا الإحساس اللي كان عايزه إبراهيم عليه السلام ،
هو كان موقن بقدرة ربنا على إحياء الموتى حتى قال أرني كيف يعني سأل عن
الكيفية مش عن الإحياء نفسه
فهو لم يشك لحظة على قدرة ربنا في إحياء الموتى .... بس هو حب يشوف
...
بطبيعة البشر اللي بيكونوا عايزين يشوفوا حاجة إتحكى لهم عنها،
مش ساعات حد ييجي يحكيلك على حاجة هتحصل زي حفلة مثلا أو ... أو
...
فبتكون متشوق ونفسك تشوفها دلوقتي حالا .... أهو نفس الموضوع
فربنا قال له: خذ أربعة طيور واذبحهم وقطعهم وإخلطهم على بعض وبعدين وزع
الخليط ده على كذا جبل
بحيث كل جبل يكون عليه جزء ...
عايزكم تتخيلوا كده ... أربعة فرخات مثلا مذبوحين قصادك قطعتهم وخلطتهم
وحطتهم في كيس ...
تعرف تطلع اي جزء بتاع أنهي فرخة ؟
ربنا قال لإبراهيم عليه السلام إنده عليهم هتلاقيهم جايين ليك،
"قَالَ فَخُذْ أَرْبَعَةً مِّنَ الطَّيْرِ فَصُرْهُنَّ إِلَيْكَ ثُمَّ اجْعَلْ عَلَىٰ كُلِّ جَبَلٍ مِّنْهُنَّ جُزْءًا ثُمَّ ادْعُهُنَّ يَأْتِينَكَ سَعْيًا"
وشاف إبراهيم عليه السلام معجزة إحياء الموتى أمامه
دين إبراهيم عليه السلام ودين كل الأنبياء هو الإسلام،
بمعنى الإستسلام لأوامر لله، وتوحيد الله بالعبادة،
ممكن الشرائع تختلف اللي هي الحلال والحرام ...
يعني يكون عندنا حاجات حرام كانت حلال في الشرائع اللي قبلنا،
لكن الأصل واحد وهو توحيد الله بالعبادة ،حتى في اليهودية والنصرانية ...
بمعنى الإستسلام لأوامر لله، وتوحيد الله بالعبادة،
ممكن الشرائع تختلف اللي هي الحلال والحرام ...
يعني يكون عندنا حاجات حرام كانت حلال في الشرائع اللي قبلنا،
لكن الأصل واحد وهو توحيد الله بالعبادة ،حتى في اليهودية والنصرانية ...
لكن أهل الكتاب حرفوا العقيدة زي ما هنقول إن شاء الله لما يبجي وقتها
"إِنَّ الدِّينَ عِندَ اللَّهِ الْإِسْلَامُ"
وكان إبراهيم عليه السلام يدعو إلى الله في منطقة فلسطين وما حولها ويعلم الناس الدين،
وزي ما أُنزل على محمد صلى الله عليه وسلم القرآن،
أُنزل على إبراهيم عليه السلام الصّحُف،
وكانت عبارة مواعظ وحِكم وعِبر، وأُنزلت عليه في أول ليلة من ليال رمضان،
"إِنَّ الدِّينَ عِندَ اللَّهِ الْإِسْلَامُ"
وكان إبراهيم عليه السلام يدعو إلى الله في منطقة فلسطين وما حولها ويعلم الناس الدين،
وزي ما أُنزل على محمد صلى الله عليه وسلم القرآن،
أُنزل على إبراهيم عليه السلام الصّحُف،
وكانت عبارة مواعظ وحِكم وعِبر، وأُنزلت عليه في أول ليلة من ليال رمضان،
وإبراهيم عليه السلام كان هو أول من اخْتَتَن وكان عمره ثمانين
عام،
يُقال أن إبراهيم عليه السلام عاش مئتي سنة وفي قول إنه عاش ١٦٠ سنة، وكان
قد تزوج بعد موت سارة وخلف ٦ أبناء،
فيكون مجموع أبناء إبراهيم عليه السلام مع إسماعيل وإسحاق عليهما السلام ثمانية أبناء،
ربنا جعل في ذريته النبوة والرسالة ... إسماعيل عليه السلام هيكون في ذريته محمد صلى الله عليه وسلم
وإسحاق عليه السلام هيكون في ذريته باقي الأنبياء....يعقوب ويوسف وداود وسليمان وأيوب ويونس و....و...
ومات إبراهيم عليه السلام ودُفن في مدينة الخليل المعروفة اليوم، في مغارة كان اشتراها ودفن فيها زوجته سارة،
وإللي تولى دفنه هو إسحاق وإسماعيل عليهما السلام.
كان إسماعيل عليه السلام رسول لقبيلة جُرهم اللي اتكلمنا عليها قبل كده وقلنا إنها جت سكنت عند الكعبة لما تفجر ماء زمزم
وكان رسول لقبيلة العماليق اللي كانوا بأرض الحجاز،
في منهم من آمن ومنهم من كفر
وقلنا إن إسماعيل عليه السلام كان تزوج من قبيلة جُرهم
فكان يجلس في مكة حتى بعد موت أمه هاجر عشان بيدعو الناس في منطقة مكة والبلاد المحيطة بيهم ويشرح لهم تعاليم الدين
وكان أبناء إسماعيل عليه السلام والناس اللي أسلموا معاه هم المسؤولين عن خدمة الحجيج،
وكان من صفات إسماعيل عليه السلام إنه كان صادق الوعد ... يعني لا يخلف وعد قطعه أبدا ...
فيكون مجموع أبناء إبراهيم عليه السلام مع إسماعيل وإسحاق عليهما السلام ثمانية أبناء،
ربنا جعل في ذريته النبوة والرسالة ... إسماعيل عليه السلام هيكون في ذريته محمد صلى الله عليه وسلم
وإسحاق عليه السلام هيكون في ذريته باقي الأنبياء....يعقوب ويوسف وداود وسليمان وأيوب ويونس و....و...
ومات إبراهيم عليه السلام ودُفن في مدينة الخليل المعروفة اليوم، في مغارة كان اشتراها ودفن فيها زوجته سارة،
وإللي تولى دفنه هو إسحاق وإسماعيل عليهما السلام.
كان إسماعيل عليه السلام رسول لقبيلة جُرهم اللي اتكلمنا عليها قبل كده وقلنا إنها جت سكنت عند الكعبة لما تفجر ماء زمزم
وكان رسول لقبيلة العماليق اللي كانوا بأرض الحجاز،
في منهم من آمن ومنهم من كفر
وقلنا إن إسماعيل عليه السلام كان تزوج من قبيلة جُرهم
فكان يجلس في مكة حتى بعد موت أمه هاجر عشان بيدعو الناس في منطقة مكة والبلاد المحيطة بيهم ويشرح لهم تعاليم الدين
وكان أبناء إسماعيل عليه السلام والناس اللي أسلموا معاه هم المسؤولين عن خدمة الحجيج،
وكان من صفات إسماعيل عليه السلام إنه كان صادق الوعد ... يعني لا يخلف وعد قطعه أبدا ...
حتى يُذكر عنه إن في واحد إداله ميعاد فإسماعيل عليه السلام فضل مستنيه
والراجل نسي ...
وافتكر بالليل فراح لإسماعيل لقاه لسه مستنيه
من شدة ماهو حريص على الوفاء بالوعد
" وَاذْكُرْ فِي الْكِتَابِ إِسْمَاعِيلَ ۚ إِنَّهُ كَانَ صَادِقَ الْوَعْدِ وَكَانَ رَسُولًا نَّبِيًّا "
من شدة ماهو حريص على الوفاء بالوعد
" وَاذْكُرْ فِي الْكِتَابِ إِسْمَاعِيلَ ۚ إِنَّهُ كَانَ صَادِقَ الْوَعْدِ وَكَانَ رَسُولًا نَّبِيًّا "
وإحنا كمسلمين مأمورين بصدق الوعد...فلما توعد حد بحاجة لازم توفي بوعدك ده،
لأن خلف الوعد من صفات المنافقين، إديت ميعاد يبقى تكون حريص إنك تكون موجود في الوقت
وعدت إبنك أو أخوك أو أي حد إنك هتعمل له حاجة يبقى لازم توفي بوعدك وإلا متوعدش من الأول
وكان عليه السلام حريص على تذكير أهله بالصلاة والزكاة وطاعة ربنا،
"وَكَانَ يَأْمُرُ أَهْلَهُ بِالصَّلَاةِ وَالزَّكَاةِ وَكَانَ عِندَ رَبِّهِ مَرْضِيًّا "
لأن طبيعة الإنسان إن أكثر حد هيحب لهم الخير هم أهله،
وهو في خير أعظم من إن الإنسان يجتمع مع اللي بيحبه يوم القيامة في الجنة
إتولد لإسماعيل عليه السلام ١٢ ولد وانتشرت ذريته في مكة وما حولها،
وإسماعيل عليه السلام هو أبو العرب المستعربة،
لأنه أول من نطق بالعربية الفصحى إللي إحنا عارفينها بعد ما كان بيتكلم السريانية زي إبراهيم عليه السلام.
والعرب بينقسموا لثلاثة أقسام :
أول حاجة :عرب بائدة يعني خلاص انتهوا ومبقوش لهم أثر قبل ما ييجي الإسلام، زي قوم عاد وثمود
لأنه أول من نطق بالعربية الفصحى إللي إحنا عارفينها بعد ما كان بيتكلم السريانية زي إبراهيم عليه السلام.
والعرب بينقسموا لثلاثة أقسام :
أول حاجة :عرب بائدة يعني خلاص انتهوا ومبقوش لهم أثر قبل ما ييجي الإسلام، زي قوم عاد وثمود
ثاني قسم:
العرب العاربة ودول اسمهم القحطانيين يرجع نسبهم لواحد من أبناء سام بن نوح عليه السلام.
القسم الأخير بقى وإللي يهمنا هو: العرب المستعربة
ودول كل العرب اللي جم من نسل إسماعيل عليه السلام
واللي بيتكلموا اللغة العربية الفصحى اللي هي لغة القرآن إللي إحنا عارفينها
أما اللغة العربية اللي قبل كده فهي كانت قريبة من اللغة العربية اللي إحنا عارفينها لكن لهجاتها مختلفة،
يعني كمثال تقريبا كده زي إختلاف لهجات الدول العربية دلوقتي
مات إسماعيل عليه السلام وعنده ١٣٠ عام كما يُقال،
ومحدش يعرف مكان دفنه فين ، في ناس بتقول إنه مدفون في الحِجر،
العرب العاربة ودول اسمهم القحطانيين يرجع نسبهم لواحد من أبناء سام بن نوح عليه السلام.
القسم الأخير بقى وإللي يهمنا هو: العرب المستعربة
ودول كل العرب اللي جم من نسل إسماعيل عليه السلام
واللي بيتكلموا اللغة العربية الفصحى اللي هي لغة القرآن إللي إحنا عارفينها
أما اللغة العربية اللي قبل كده فهي كانت قريبة من اللغة العربية اللي إحنا عارفينها لكن لهجاتها مختلفة،
يعني كمثال تقريبا كده زي إختلاف لهجات الدول العربية دلوقتي
مات إسماعيل عليه السلام وعنده ١٣٠ عام كما يُقال،
ومحدش يعرف مكان دفنه فين ، في ناس بتقول إنه مدفون في الحِجر،
لكن مفيش دليل على كده حتى العلماء في العصر الحديث بينفوا دفن إسماعيل عليه
السلام في منطقة الحِجر.
إن شاء الله المرة الجاية نتكلم عن النبي الثالث من الأنبياء العرب وقصته مع
قومه
روابط السلسلة :
قصص_الانبياء_الحلقة_1
قصص_الانبياء_الحلقة_2
قصص_الانبياء_الحلقة_3
قصص_الانبياء_الحلقة_4
قصص_الانبياء_الحلقة_5
قصص_الانبياء_الحلقة_6
قصة شيث عليه السلام قصص_الانبياء_الحلقة_7
قصة ادريس عليه السلام قصص الانبياء الحلقة 8
قصة نوح عليه السلام الجزء الاول قصص الانبياء الحلقة 9
قصة سيدنا نوح عليه السلام الجزء الثاني
قصص الانبياء من مدونة بداية فكرة
بداية فكرة
مدون مصري مهتم بالعمل علي الانترنت وأقدم في مدونتي بداية فكرة للتغيير والمدونة تشمل موضوعات اسلامية قصص الانبياء وقصص الصحابة والسيرة النبوية وسيرة زوجات النبي ومنشورات تعليمية متنوعة للثانوية العامة وتعليم المحاسبة وتحميل الألعاب والبرامج للكمبيوتر والهاتف وتحميل الكتب ونتائج الإمتحانات والوظائف وتسويق المنتجات
ليست هناك تعليقات:
إرسال تعليق